燕麥合桃露

一直認為甜品對我是可有可無的，

唯一是元朗大榮華的馬拉糕，

令我山長水遠都不怕，

就是“鍾意”這兩字 !

記不起是從那時開始口味慢慢改變了，

若有人問要飯後甜品嗎？

都會傻傻地問『甜不甜？』

答案當然是：『不會甜 !』

這碗是懶人極速版合桃露，

做法很簡單 !

用易潔鑊烘至合桃微黃（用焗爐都可以），

加兩湯匙燕麥、兩碗半水、糖（份量按個人喜好）煮約五分鐘，

放入食物調理機攪拌兩分鐘，

食得 !

菜肉雲吞

心癢癢!

手痕痕!

想的是久違了的菜肉雲吞，

走入街市買齊材料開工！

梅頭豬肉$40

白菜一斤

金菇一包

雲吞皮$12

手剁梅頭肉、冬菇粒、金菇是我的新嘗試

一斤白菜汆水~剁碎~擠乾水後剩下一小碗

白菜豬肉餡

越包越不對勁，

這雲吞皮又乾又厚，

不是第一次幫襯，

沒想到已改變了素質，

是轉了師傅或是將價就貨呢？

如果是計算雲吞皮張數的話，

每斤應少了1/4呢 !

真正是“從未如此厚麵皮之菜肉雲吞”!!!

真失敗 !

白費功夫，

又切又剁......剁到手軟!

香煎辣魚柳

隔三、兩日又話入民幣創匯改新高，

物價怎會回落呢！

鯇魚肉一條$10加到$12，

鯪魚肉一斤$24，

近日已加到$28，

嘻嘻!

原來天水圍已加到$32，

肯定好快又再加價喇 !

老伴對蒸魚情有獨鍾，

大熱天時蒸魚我又食到怕怕!

已連續兩餐鼓汁蒸魚，

今餐魚柳加咗七味粉醃，

我食多啲!

肉醬烏冬

每次經過豬肉檔看見肥叔叔都覺得好笑，

二個人賣的是同樣貨式，

老闆是悠閒地等客光顧，

而圍著肥叔叔必有四、五人或以上，

原來是肥叔叔的細心令客人受落，

買腩排問你喜歡腍的或是爽的，

瘦肉滾湯會否吃渣？

買豬肉是要煮？炒？蒸？

煲XX湯用唐排好啲，

煲XX湯排骨頭啦，

梅頭肉要瘦啲或少少肥呢？

久而久之街坊師奶們都會清楚說明今餐食乜餸!

有包餃子的、煮肉醬的或蒸肉餅的....

肥叔叔都好認真地為客人挑選，

不過多數都係$15變$18、$20變$25、$25變$30

有多無少!

今餐食肉醬烏冬!!

這碟蕃茄肉醬烏冬，

用的是八珍茄汁，

味道較濃，

好正!

黑椒牛仔骨

我家吃牛仔骨是要擇日的，

星期日至星期五的晚飯越簡單越好 !

惹味 !

 濃味 !

都盡量少 !

這碟週六黑椒牛仔骨材料 ~

一個洋蔥、四片牛仔骨就是這麼簡單!

南乳雞翼

不得不承認歲月催人，

最明顯的是不能一心二用，

近日天氣非常悶熱，

晚餐本來是草菇冬瓜粒湯、

冬菜蒸比目魚，

清淡又簡單!

趁時間尚早，

已急不及待坐埋電腦檯，

直到聞到異味，

才記得廚房在煮湯，

結果湯都冇滴!

乾晒!!

老伴埋怨說：『你每次坐埋電腦檯就乜都唔記得架啦!』

其實今次真係唔記得，

平時係唔願郁多啲 !