潤肺養顏 ~ 雪耳蘋果湯

今日濕度百份之四十五，

晨早開機洗衫，

第一機中午時已乾得七七八八，

趁機又洗多一機毛巾、床單，

黃昏又差不多已乾透，

呢碗湯最適合咁乾燥天氣！

蘋果雪耳湯可作鹹湯或糖水，

不加瘦肉改為加少量冰糖，

同樣可清心潤肺養顏 !

材料  :   雪耳        2 朵

             瘦肉       25 元

             紅蘋果    3 個  （可用鴨嘴梨代替）

             海底椰、南北杏、無花果、陳皮適量

                

做法  :   陳皮浸軟去瓤

             雪耳浸透汆水

             瘦肉汆水

             紅蘋果一開四，去心

             凍水加陳皮煲至水滾，加入所有材料   ~ 

             大火煲30分鐘，

             轉中小火煲約2小時